ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਇਸ ਦੌਰਾਨ ਪੰਜਾਬ ‘ਚ ਕਾਂਗਰਸ ਦੀ ਸਰਕਾਰ ਦੇ ਸਮੇਂ ਦੀ ਗੱਲ ਕੀਤੀ।
ਪੰਜਾਬ ਕਾਂਗਰਸ ਦੇ ਆਗੂ ਚਰਨਜੀਤ ਸਿੰਘ ਚੰਨੀ, ਸੁਖਜਿੰਦਰ ਸਿੰਘ ਰੰਧਾਵਾ ਤੇ ਭਾਰਤ ਭੂਸ਼ਣ ਆਸ਼ੂ ਇੱਕੋਂ ਮੰਚ ‘ਤੇ ਨਜ਼ਰ ਆਏ। ਉਹ ਲੁਧਿਆਣਾ ਵਿਖੇ ਇੱਖ ਕੋਨਕਲੇਵ ‘ਚ ਹਿੱਸਾ ਲੈਣ ਲਈ ਪਹੁੰਚੇ ਸਨ। ਇਸ ਦੌਰਾਨ ਮੀਡੀਆ ਨਾਲ ਗੱਲਬਾਤ ਦੌਰਾਨ ਰੰਧਾਵਾ ਨੇ ਪੰਜਾਬ ਕਾਂਗਰਸ ‘ਚ ਅੰਦਰੂਨੀ ਟਕਰਾਅ ‘ਤੇ ਟਿੱਪਣੀ ਕੀਤੀ। ਉਨ੍ਹਾਂ ਨੇ ਚੰਨੀ ਤੇ ਆਸ਼ੂ ਦੀ ਮੌਜੂਦਗੀ ‘ਚ ਕਿਹਾ ਕਿ ਸਾਬਕਾ ਮੁੱਖ ਮੰਤਰੀ, ਸਾਬਕਾ ਉਪ ਮੁੱਖ ਮੰਤਰੀ ਤੇ ਸਾਬਕਾ ਮੰਤਰੀ ਇਕੱਠੇ ਮੌਜੂਦ ਹਨ। ਅਸੀਂ ਇਕੱਠੇ ਖੜ੍ਹੇ ਹਾਂ, ਕੀ ਇਹ ਤੂਹਾਨੂੰ ਟਕਰਾਅ ਲੱਗ ਰਿਹਾ ਹੈ?
ਰੰਧਾਵਾ ਨੇ ਕਿਹਾ ਕਿ ਇੱਕ ਸਾਡੇ ਕੋਲ SC ਲੀਡਰ, ਇੱਕ ਜੱਟ ਲੀਡਰ ਤੇ ਬ੍ਰਾਹਮਣ ਲੀਡਰ ਹੈ, ਕੀ ਇਹ ਟਕਰਾਅ ਵਾਲੀ ਸਥਿਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੋਈ ਟਕਰਾਅ ਨਹੀਂ ਹੈ ਤੇ ਇਹ ਕਾਂਗਰਸ ਸਟੈਂਡ ਕਰ ਰਹੀ ਹੈ।
ਚੰਨੀ ਵਰਗਾ ਮੁੱਖ ਮੰਤਰੀ ਚਾਹੀਦਾ: ਰੰਧਾਵਾ
ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਇਸ ਦੌਰਾਨ ਪੰਜਾਬ ‘ਚ ਕਾਂਗਰਸ ਦੀ ਸਰਕਾਰ ਦੀ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਉਸ ਦੌਰਾਨ ਅਸੀਂ ਤਿੰਨੋਂ ਹੀ ਉਸ ਸਰਕਾਰ ‘ਚ ਸੀ ਤੇ ਉਸ ਦੌਰਾਨ ਪਹਿਲਾ ਅਜਿਹਾ ਮੁੱਖ ਮੰਤਰੀ ਸੀ ਕਿ ਮੰਤਰੀਆਂ ਦੇ ਘਰਾਂ ‘ਚ ਬੈਠ ਕੇ ਮੰਤਰਾਲੇ ਚਲਾਏ ਸਨ।
ਰੰਧਾਵਾ ਨੇ ਚੰਨੀ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਕਈ ਵਾਰ ਅਜਿਹਾ ਹੁੰਦਾ ਸੀ ਕਿ ਮੈਂ ਘਰ ਸੁੱਤਾ ਹੁੰਦਾ ਸੀ ਤੇ ਮੈਨੂੰ ਉਠਾ ਕੇ ਕਹਿੰਦੇ ਸਨ ਕਿ ਇਸ ਬਾਰੇ ਕੀ ਫੈਸਲਾ ਲੈਣਾ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਨੂੰ ਅੱਜ ਇਸੇ ਤਰ੍ਹਾਂ ਦਾ ਹੀ ਮੁੱਖ ਮੰਤਰੀ ਚਾਹੀਦਾ ਹੈ।
